SUV-களுக்கான போட்டி அதிகமாக இருந்தாலும், ஒரு முழு குடும்பமும் சேர்ந்து வசதியாகவும், சீராகவும் பயணிக்க MPV (Multi-Purpose Vehicle) கார்களைத்தான் பல குடும்பங்கள் விரும்புகின்றன. இடம், மைலேஜ், வசதி ஆகிய மூன்றும் சரியாகச் சேர்ந்திருக்கும் கார்கள் என்றால், பெரும்பாலானோர் 'Ertiga' அல்லது 'Innova'வையே சொல்வார்கள். தற்போது Kia Carens, Maruti Invicto போன்ற புதிய மாடல்களும் களத்தில் உள்ளன.

அப்படி, ஏப்ரல் முதல் செப்டம்பர் 2025 வரை இந்தியாவில் அதிகம் விற்கப்பட்ட முதல் 10, 7-சீட்டர் MPV கார்களின் பட்டியல் இங்கே:

10. மஹிந்திரா மராசோ (Mahindra Marazzo) - 252 கார்கள்

மஹிந்திராவின் ஒரே MPV மாடல் இதுதான். 2018-ல் அறிமுகமாகி, 2024-ல் இதன் உற்பத்தி நிறுத்தப்பட்டது. டீசல் என்ஜின் ரிஃபைன்மென்ட் மற்றும் ரைடு கம்ஃபர்ட் நன்றாக இருந்தாலும், விற்பனை சற்று மெதுவாகவே இருந்தது. BS6 Phase 2 அப்டேட்டுக்குப் பிறகும் பெரிய மாற்றம் இல்லை. எனினும், ஸ்டாக் கிளியரன்ஸ் சலுகைகள் காரணமாகச் சிறிய விற்பனை அதிகரிப்பைக் கண்டுள்ளது.

விலை: ₹14 - 16 லட்சம் (ஆன்-ரோடு, சென்னை)

9. கியா கார்னிவல் (Kia Carnival) - 425 கார்கள்

புதிய Carnival 2024-ல் வெளியானது. இது 'Luxury' MPV பிரிவில் தனித்துவமாக நிற்கும் மாடல். ADAS, டூயல் சன்ரூஃப், 8 ஏர்பேக், 12.3-இன்ச் டச் ஸ்கிரீன் எனப் பல வசதிகள் இதில் உள்ளன. 2.2 லிட்டர் டீசல் இன்ஜின் சீரான பவர் டெலிவரி தருகிறது. பெரிய குடும்பங்களுக்கும், கார்ப்பரேட் பயணங்களுக்கும் இது சொகுசான தேர்வாகும்.

விலை: ₹75 லட்சம் (ஆன்-ரோடு, சென்னை).

8. டொயோட்டா வெல்ஃபயர் (Toyota Vellfire) - 596 கார்கள்

'Luxury MPV' என்று சொன்னால் முதன்மையாக நினைவுக்கு வருவது Toyota Vellfire தான். ₹1 கோடியைத் தாண்டும் விலை இருந்தாலும், இதன் கம்ஃபர்ட், அமைதி மற்றும் ரிஃபைன்மென்ட் ஆகியவை உயர்தரமானவை. ஹைப்ரிட் தொழில்நுட்பத்துடன் நல்ல மைலேஜ் கிடைக்கிறது. இதன் ஹைலைட், இரண்டாம் வரிசையில் உள்ள பிசினஸ் கிளாஸ் போன்ற "ரிலாக்ஸேஷன் சீட்ஸ்" ஆகும்.

விலை: ₹1.5 – 1.6 கோடி (ஆன்-ரோடு, சென்னை).

7. மாருதி சுசுகி இன்விக்டோ (Maruti Suzuki Invicto) - 1,491 கார்கள்

Maruti-யின் NEXA லைன்அப்பில் உள்ள பிரீமியம் MPV தான் Invicto. இது Toyota Hycross மாடலின் அடிப்படையில் உருவாக்கப்பட்டது; இதில் 2.0 லிட்டர் பெட்ரோல்-ஹைப்ரிட் இன்ஜின் உள்ளது. அமைதியான இன்டீரியர், ஸ்மூத் டிரைவ் மற்றும் ஹைப்ரிட் மைலேஜ் ஆகியவை இதன் சிறப்பம்சங்கள். Nexa வாடிக்கையாளர்கள் இதை ஒரு பிரீமியம் குடும்ப காராகத் தேர்வு செய்கிறார்கள்.

விலை: ₹31 – 36 லட்சம் (ஆன்-ரோடு, சென்னை).

6. டொயோட்டா ரூமியன் (Toyota Rumion) - 7,267 கார்கள்

Ertiga மாடலை அடிப்படையாகக் கொண்டிருந்தாலும், Toyota பேட்ஜ் காரணமாக Rumion மீதான நம்பிக்கை அதிகரித்துள்ளது. பெட்ரோல் மற்றும் CNG ஆகிய இரண்டு ஆப்ஷன்களும் இதில் கிடைக்கின்றன. பராமரிப்பு எளிது, மைலேஜ் நல்லது, ப்ராக்டிக்கல் பயன்பாடு இதுவே இதன் முக்கிய விற்பனை அம்சமாகும்.

விலை: ₹13 – 17 லட்சம் (ஆன்-ரோடு, சென்னை).

5. ரெனோ ட்ரைபர் (Renault Triber) - 10,677 கார்கள்

"குறைந்த விலையில் 7 சீட்டர்" என்ற நோக்கத்துடன் உருவாக்கப்பட்ட கார் Triber. 1.0 லிட்டர் பெட்ரோல் இன்ஜின் நல்ல மைலேஜைத் தருவதுடன், சிட்டி ட்ரைவுக்குப் பொருத்தமானது. இதன் இன்டீரியர் ஸ்மார்ட்டாக வடிவமைக்கப்பட்டுள்ளது, சீட் லேஅவுட் பல வேரியேஷன்களுடன் கிடைக்கும். முதல் முறையாக MPV வாங்குபவர்களுக்கு இது ஒரு சிறந்த தேர்வாகும்.

விலை: ₹6.9 – 10.19 லட்சம் (ஆன்-ரோடு, சென்னை).

4. மாருதி சுசுகி XL6 - 16,947 கார்கள்

NEXA ஷோரூம்களில் விற்கப்படும் XL6 மாடலை ஒரு பிரீமியம் Ertiga என்று சொல்லலாம். 6 சீட்டர் லேஅவுட் மற்றும் நடு வரிசையில் 'கேப்டன் சீட்ஸ்' (Captain Seats) இருப்பது இதன் முக்கிய ஹைலைட். LED ஹெட்லைட்ஸ், டூயல் டோன் லுக், ஆட்டோ கியர் டிரான்ஸ்மிஷன் ஆகியவை இதன் பிரீமியம் தோற்றத்திற்கு உதவுகின்றன. நல்ல மைலேஜ் மற்றும் சிறந்த கம்ஃபர்ட் ஆகியவை நகர்ப்புறக் குடும்பங்களுக்குப் பொருத்தமான தேர்வாகும்.

விலை: ₹14.3 – 18.5 லட்சம் (ஆன்-ரோடு, சென்னை).

3. கியா காரன்ஸ் (Kia Carens) - 41,831 கார்கள்

இந்தியாவில் புதிய தலைமுறை குடும்பங்களுக்காக வந்த ஸ்மார்ட் MPV - Kia Carens. பிரீமியம் இன்டீரியர் வசதியுடன், பெட்ரோல், டீசல், CNG ஆகிய மூன்று இன்ஜின் ஆப்ஷன்களும் கிடைக்கின்றன. கேப்டன் சீட்ஸ், ஏர் பியூரிஃபையர், சன்ரூஃப், கனெக்டட் தொழில்நுட்பம் எனப் பல வசதிகள் உள்ளன. மாடர்ன் லுக் மற்றும் கம்ஃபர்ட் இதன் வெற்றிக்குக் காரணம்.

விலை: ₹13.80 – 16 லட்சம் (ஆன்-ரோடு, சென்னை).

2. டொயோட்டா இன்னோவா (Crysta & Hycross) - 53,589 கார்கள்

"Innova" என்ற பெயரே ஒரு நம்பகத்தன்மையின் அடையாளம். 2005-ல் அறிமுகமானதிலிருந்து இந்தியக் குடும்பங்களின் நம்பிக்கைக்குரிய கார்தான் இது. Crysta டீசல் மாடல் இன்றும் டாக்சி மார்க்கெட்டில் கிங். Hycross ஹைப்ரிட் வெர்ஷன் பிரீமியம் லுக், நல்ல மைலேஜ் மற்றும் நவீன வசதிகளைக் கொண்டுள்ளது. பெரிய ஸ்பேஸ், ஸ்மூத் டிரைவ், மற்றும் பாதுகாப்பு ஆகியவற்றில் இது முன்னோடியாக உள்ளது.

விலை: ₹22 - 39 லட்சம் (ஆன்-ரோடு, சென்னை).

1. மாருதி சுசுகி எர்டிகா (Maruti Suzuki Ertiga) - 93,235 கார்கள்

7 சீட்டர் கார் வாங்கும் ஒவ்வொரு 10 பேரில் 4 பேரின் தேர்வு Ertiga தான். 13 ஆண்டுகளாகச் சந்தையில் இருந்தும் இதன் விற்பனை இன்றும் முதலிடத்தில் உள்ளது. 1.5 லிட்டர் பெட்ரோல் மைல்ட் ஹைப்ரிட் இன்ஜின் நல்ல மைலேஜ் தருகிறது. CNG வெர்ஷனும் பரவலாக ஹிட் ஆகியுள்ளது. சிட்டி டிரைவ் எளிது, போதுமான ஸ்பேஸ், மெயிண்டனன்ஸ் குறைவு ஆகியவை டாக்சி மார்க்கெட்டிலும் இதற்கு டிமாண்ட் அதிகம் இருக்கக் காரணம்.

விலை: ₹10.60 – 16 லட்சம் (ஆன்-ரோடு, சென்னை).

பயணக் கம்ஃபர்ட், பெரிய ஸ்பேஸ் ஆகியவற்றுக்காக Ertiga முதல் Vellfire வரை, அனைத்து MPV-களும் தங்கள் சொந்த ரசிகர் வட்டத்துடன் களமிறங்கியுள்ளன. உங்களுக்குப் பிடித்த MPV கார் எது?