'தினம் தினம் திருநாளே!' தினப்பலன நவம்பர் 28-ம் தேதிக்கான மேஷம் முதல் மீனம் வரை 12 ராசிகளுக்கான பலன்களைச் சிறப்புக் குறிப்புடன் கணித்துத் தந்திருக்கிறார் 'ஜோதிடஶ்ரீ' முருகப்ரியன்.

மேஷம்:

மனதில் உற்சாகம் பெருக்கெடுக்கும். கணவன் - மனைவிக்கிடையே அந்நியோன்யம் அதிகரிக்கும். நண்பர்களால் ஆதாயம் கிடைக்கக்கூடும். வாழ்க்கைத்துணை வழியில் எதிர்பார்த்த காரியம் அனுகூலமாக முடியும். ஆனாலும், புதிய முயற்சிகள் மேற்கொள்வதைத் தவிர்க்கவும். வியாபாரம் சுமாராகத்தான் இருக்கும்.

அசுவினி: புதிய முயற்சியைத் தவிர்க்கவும்.
பரணி: பிள்ளைகளால் செலவுகள் ஏற்படும்.
கிருத்திகை: தந்தைவழியில் காரிய அனுகூலம் உண்டாகும்.

ரிஷபம்:

பல வகைகளிலும் அனுகூலமான நாள். சகோதரர்கள் ஆலோசனை கேட்டு வருவார்கள். தந்தைவழியில் எதிர்பார்த்த உதவி கிடைக்கும். செலவுகள் அதிகரித்தாலும் சமாளித்துவிட முடியும். வாழ்க்கைத்துணைவழி உறவுகளால் சில சங்கடங்கள் ஏற்பட்டு நீங்கும். வியாபாரத்தில் எதிர்பார்த்த லாபம் கிடைக்கும்.

கிருத்திகை: சகோதர வகையில் சில சங்கடங்கள் ஏற்படக்கூடும்.
ரோகிணி: வீட்டில் சிறப்பு பூஜை செய்யும் வாய்ப்பு ஏற்படும்.
மிருகசீரிடம்: பிற்பகலுக்கு மேல் உறவினர்களால் ஆதாயம் உண்டாகும்.

மிதுனம்:

காரியங்களில் அனுகூலம் உண்டாகும். குடும்பத்தில் பெரியவர்களின் ஆலோசனை பயனுள்ளதாக இருக்கும். வாகனத்தில் செல்லும்போது கவனம் தேவை. தேவையான அளவுக்குப் பணம் இருப்பதால் உற்சாகமாகக் காணப்படுவீர்கள். பிள்ளைகள் பிடிவாதம் பிடிப்பார்கள். வியாபாரம் எப்போதும்போல் நடைபெறும்.

மிருகசீரிடம்: பிள்ளைகளால் செலவுகள் ஏற்படக்கூடும்.
திருவாதிரை: வீண் செலவுகளால் மனச் சஞ்சலம் ஏற்படும்.
புனர்பூசம்: நண்பர்களால் ஆதாயம் உண்டாகும்.

கடகம்:

அவ்வப்போது மனதில் குழப்பம் ஏற்பட்டு நீங்கும். தாய்வழியில் சில பிரச்னைகள் ஏற்படக்கூடும். வாழ்க்கைத்துணையுடன் அனுசரித்துச் செல்லவும். உறவினர்களால் சில பிரச்னைகள் ஏற்பட்டாலும் பாதிப்பு இருக்காது. நண்பர்களிடம் எதிர்பார்த்த உதவி கிடைக்கும். வியாபாரத்தில் பணியாளர்களால் சில பிரச்னைகள் ஏற்படும்.

புனர்பூசம்: புதிய முயற்சிகளில் ஈடுபடுவதைத் தவிர்க்கவும்.
பூசம்: தாய்மாமன் வழியில் எதிர்பார்த்த காரியம் இழுபறியாகும்.
ஆயில்யம்: வாழ்க்கைத்துணையால் சங்கடங்கள் உண்டாகும்.

சிம்மம்:

எதிலும் பொறுமையைக் கடைப்பிடிக்கவேண்டிய நாள். புதிய முயற்சிகளைத் தவிர்ப்பது நல்லது. மற்றவர்களுடன் பேசும்போது பொறுமையைக் கடைப்பிடிக்கவும். தந்தையின் உடல்நலனில் கவனம் தேவை. வியாபாரத்தில் வாடிக்கையாளர்களை அனுசரித்துச் செல்லவும்.

மகம்: பிற்பகலுக்கு மேல் வாழ்க்கைத்துணைவழியில் சில பிரச்னைகள் ஏற்பட்டு நீங்கும்.
பூரம்: புதிய முயற்சிகளில் ஒருமுறைக்குப் பலமுறை யோசித்துச் செய்யவும்.
உத்திரம்: உறவினர்களால் சில சங்கடங்கள் ஏற்படக்கூடும்.

கன்னி:

வழக்கமான பணிகளில் மட்டுமே கூடுதல் கவனம் செலுத்தவும். சகோதர வகையில் எதிர்பார்த்த உதவி கிடைப்பது தாமதமாகும். கொடுத்த கடன் திரும்பக் கிடைக்க வாய்ப்பு உள்ளது. எதிரிகளால் சில பிரச்னைகள் ஏற்பட்டு நீங்கும். உறவினர்கள் வகையில் சுபநிகழ்ச்சி ஒன்று நடைபெறும். வியாபாரம் வழக்கம்போலவே இருக்கும்.

உத்திரம்: வாழ்க்கைத்துணையால் ஆதாயம் கிடைக்கும்.
அஸ்தம்: எதிர்பாராத பணவரவுக்கு வாய்ப்பு உண்டு.
சித்திரை: பிள்ளைகளுக்காக செலவு செய்ய நேரிடும்.

துலாம்:

புதிய முயற்சி சாதகமாக முடியும். காரியங்களில் அனுகூலம் உண்டாகும். கணவன் - மனைவிக்கிடையே அந்நியோன்யம் அதிகரிக்கும். தாயின் உடல்நலனில் கவனம் தேவை. வாழ்க்கைத்துணையின் ஆலோசனை பயனுள்ளதாக இருக்கும். வியாபாரத்தில் கூடுதல் லாபம் கிடைப்பது மகிழ்ச்சி தரும்.

சித்திரை: வாழ்க்கைத்துணையின் விருப்பத்தை நிறைவேற்றி மகிழ்வீர்கள்.
சுவாதி: நண்பர்கள் மூலம் ஆதாயம் கிடைக்கக்கூடும்.
விசாகம்: சகோதரர்களால் காரிய அனுகூலம் உண்டாகும்.

விருச்சிகம்:

இன்று புதிய முயற்சிகளில் ஈடுபடவேண்டாம். பிள்ளைகளின் பிடிவாதப் போக்கு வருத்தம் தரும். குடும்பப் பொறுப்புகளின் காரணமாக அலைச்சல் ஏற்படும். அக்கம்பக்கத்தில் இருப்பவர்களால் சில சங்கடங்கள் ஏற்படும். பொறுமையைக் கடைப்பிடிப்பது நல்லது. வியாபாரத்தில் செலவுகள் அதிகரிப்பதால் சஞ்சலம் ஏற்படும்.

விசாகம்: தாயின் விருப்பத்தை நிறைவேற்றி மகிழும் வாய்ப்பு ஏற்படும்.
அனுஷம்: வெளியூரிலிருந்து எதிர்பார்த்த சுபச் செய்தி கிடைப்பதற்கு வாய்ப்பு உண்டு.
கேட்டை: வாழ்க்கைத்துணைவழியில் செலவுகள் ஏற்படக்கூடும்.

தனுசு:

மகிழ்ச்சி தரும் நாள். வாழ்க்கைத்துணையுடன் ஏற்பட்டிருந்த மனவருத்தம் நீங்கி அந்நியோன்யம் அதிகரிக்கும். பிள்ளைகளால் மகிழ்ச்சி உண்டாகும். தந்தைவழி உறவினர்களால் வீண் செலவுகள் ஏற்படும். முக்கிய முடிவு ஒன்றை துணிச்சலுடன் எடுப்பீர்கள். ஆனால், உடல்நலனில் கவனம் தேவை. வியாபாரம் சுமாராகத்தான் இருக்கும்.

மூலம்: மாலையில் மகிழ்ச்சி தரும் செய்தி கிடைக்கும்.
பூராடம்: மற்றவர்களுடன் பேசும்போது பொறுமையைக் கடைப்பிடிப்பது நல்லது.
உத்திராடம்: பிள்ளைகளால் ஆதாயம் உண்டாகும்.

மகரம்:

பல வகைகளிலும் அனுகூலமான நாள். சகோதரர்கள் பணம் கேட்டு நச்சரிப்பார்கள். தந்தைவழியில் எதிர்பார்த்த உதவி கிடைக்கும். செலவுகள் அதிகரித்தாலும் சமாளித்துவிட முடியும். வாழ்க்கைத்துணைவழி உறவுகளால் ஏற்பட்ட பிரச்னைகள் நீங்கும். இளைய சகோதரர்களுக்காக செலவு செய்ய நேரிடும். வியாபாரத்தில் பொறுமை அவசியம்.

உத்திராடம்: மற்றவர்களுடன் பேசும்போது பொறுமையைக் கடைப்பிடிக்கவும்.
திருவோணம்: எதிர்பாராத செலவுகள் ஏற்படக்கூடும்.
அவிட்டம்: மாலையில் பிள்ளைகள் மூலம் ஆதாயம் கிடைக்கும்.

கும்பம்:

நீண்டநாள்களாக எதிர்பார்த்து ஏமாந்த பணம் இன்று கைக்கு வந்து மகிழ்ச்சி தரும். சிலருக்குத் தந்தையுடன் மனக்கசப்பு ஏற்பட வாய்ப்பு உள்ளதால் அவருடன் அனுசரணையாக நடந்துகொள்ள முயற்சி செய்யவும். அக்கம்பக்கத்தில் இருப்பவர்களால் சில பிரச்னைகள் ஏற்படும். வியாபாரத்தில் வாடிக்கையாளர்கள் கடன் கேட்டு நச்சரிப்பார்கள்.

அவிட்டம்: எதிர்பாராத பணவரவுக்கு வாய்ப்பு உண்டாகும்.
சதயம்: பிள்ளைகள் வழியில் மகிழ்ச்சி தரும் செய்தி கிடைக்கும்.
பூரட்டாதி: பண விவகாரத்தில் கூடுதல் கவனம் செலுத்தவும்.

மீனம்:

சிந்தித்துச் செயல்படவேண்டிய நாள். வாழ்க்கைத்துணையுடன் அனுசரித்துச் செல்வது நல்லது. தாயின் தேவையை நிறைவேற்ற சிறிது அலையவேண்டியிருக்கும். மற்றவர்களுடன் வீண் சர்ச்சைகளில் ஈடுபடவேண்டாம். வீட்டில் பொறுப்புகள் அதிகரிக்கும் என்பதால் சற்று சோர்வு உண்டாகும். வியாபாரம் சற்று மந்தமாகத்தான் இருக்கும்.

பூரட்டாதி: அதிகரிக்கும் பணிச்சுமையால் அசதி ஏற்படும்.
உத்திரட்டாதி: முக்கிய முடிவுகள் எடுப்பதைத் தவிர்ப்பது நல்லது.
ரேவதி: நண்பர்கள் வழியில் எதிர்பார்த்த காரியம் முடிவது தாமதமாகும்.