நவம்பர் 18-ம் தேதிக்கான மேஷம் முதல் மீனம் வரையிலான 12 ராசிகளுக்கான பலன்களை 'ஜோதிடஶ்ரீ' முருகப்ரியன் கணித்து வழங்கியுள்ளார்.

மேஷம்:

காரியங்களில் அனுகூலம் உண்டாகும் நாள். தந்தை வழியில் ஆதாயம் கிடைப்பதுடன் செலவுகளும் ஏற்படும். வாழ்க்கைத்துணையால் மகிழ்ச்சி உண்டாகும். சிலருக்கு வீட்டில் மராமத்துப் பணியின் காரணமாக உடல் அசதி உண்டாகும். உறவினர்களுடன் ஏற்பட்ட மனவருத்தங்கள் நீங்கி சுமுகமான உறவு ஏற்படும். நண்பர்களால் உதவி உண்டு.

அசுவினி: வாழ்க்கைத்துணை வழியில் மகிழ்ச்சி தரும் செய்தி கிடைக்கும்.
பரணி: பிள்ளைகளால் பெருமையும் மகிழ்ச்சியும் ஏற்படும்.
கிருத்திகை: தொடங்கும் புதிய முயற்சி சாதகமாக முடியும்.

ரிஷபம்:

காரியங்கள் அனுகூலமாகும். சகோதரர்கள் கேட்கும் உதவியைச் செய்வீர்கள். மாலையில் உறவினர்களுடன் தொடர்பு கொண்டு பேசி நலம் விசாரிப்பீர்கள். உடல் ஆரோக்கியம் மேம்படும். நண்பர்கள் உதவி கேட்டு வருவார்கள். சகோதரர்களால் சில சங்கடங்கள் ஏற்பட்டு நீங்கும். பிள்ளைகளின் விருப்பத்தை நிறைவேற்றுவீர்கள்.

கிருத்திகை: உடல் ஆரோக்கியம் மேம்படும்.
ரோகிணி: தந்தைவழியில் எதிர்பார்த்த காரியம் சாதகமாகும்.
மிருகசீரிடம்: சகோதரர்களால் ஆதாயம் கிடைக்கும்.

மிதுனம்:

திடீர் செலவுகள் ஏற்படும். போதுமான பணம் இருப்பதால் சமாளித்துவிடுவீர்கள். காரியங்களில் அனுகூலம் உண்டாகும். பிள்ளைகளுக்காக செலவு செய்யவேண்டி வரும். உடல் ஆரோக்கியத்தில் கவனம் தேவை. உறவினர்கள் வருகை மகிழ்ச்சி தரும். மற்றவர்களுடன் வீண் மனஸ்தாபம் ஏற்பட வாய்ப்பு உள்ளதால் விவாதம் செய்வதைத் தவிர்க்கவும்.

மிருகசீரிடம்: தந்தையுடன் விவாதம் செய்வதைத் தவிர்க்கவும்.
திருவாதிரை: எதிர்பாராத பணவரவுக்கு வாய்ப்பு உண்டு.
புனர்பூசம்: புதிய முயற்சிகளைத் தவிர்ப்பது நல்லது.

கடகம்:

மனதில் இனம் தெரியாத சோர்வு ஆட்கொள்ளும். வாழ்க்கைத்துணையால் செலவுகள் ஏற்படும். எதிர்பார்த்த பணம் கிடைப்பது தாமதமாகும். உடல்நலனில் கவனம் தேவை. உங்கள் தேவையை அறிந்து மற்றவர்கள் உதவி செய்வது ஆறுதலாக இருக்கும். உறவினர்களால் சில சங்கடங்கள் ஏற்படக்கூடும். பொறுமை மிக அவசியம்.

புனர்பூசம்: கடன்கள் விஷயத்தில் கவனமாக இருக்கவும்.
பூசம்: முக்கிய முடிவுகள் எடுப்பதைத் தவிர்க்கவும்.
ஆயில்யம்: மற்றவர்களுடன் பேசும்போது பொறுமையைக் கடைப்பிடிக்கவும்.

சிம்மம்:

தாய்வழி உறவில் எதிர்பார்த்த பண உதவி கிடைக்கும். உங்கள் முயற்சிக்கு வாழ்க்கைத்துணையின் ஒத்துழைப்பு கிடைக்கும். உடல் ஆரோக்கியத்தில் கவனம் தேவை. பிள்ளைகளால் பெருமை உண்டாகும். கணவன் - மனைவிக்கிடையே அந்நியோன்யம் அதிகரிக்கும். குடும்பப் பெரியவர்களின் ஆலோசனை பயனுள்ளதாக இருக்கும்.

மகம்: வீண் அலைச்சலைத் தவிர்ப்பது நல்லது.
பூரம்: தாய்மாமன் வழியில் சுபச் செலவுகள் ஏற்படும்.
உத்திரம்: வாழ்க்கைத்துணையால் ஆதாயம் உண்டாகும்.

கன்னி:

தாயின் அன்பும் ஆதரவும் கிடைக்கும். பிள்ளைகளின் தேவைகளை மகிழ்ச்சியுடன் நிறைவேற்றுவீர்கள். சிலருக்கு திடீர் பணவரவுக்கும், திடீர் செலவுகளுக்கும் வாய்ப்பு உண்டு. பேச்சினால் பிரச்னை வர வாய்ப்பு உள்ளதால் மற்றவர்களுடன் பேசும்போது வார்த்தைகளில் நிதானம் தேவை. அக்கம்பக்கத்தில் இருப்பவர்களுடன் அனுசரணையாக நடந்துகொள்வது நல்லது.

உத்திரம்: உடல் ஆரோக்கியம் மேம்படும்.
அஸ்தம்: அதிகாரிகளால் காரிய அனுகூலம் உண்டாகும்.
சித்திரை: கொடுத்த கடன் திரும்பக் கிடைக்க வாய்ப்பு உண்டு.

துலாம்:

புதிய முயற்சிகள் சாதகமாக முடியும். காரியங்களில் அனுகூலம் உண்டாகும். பிள்ளை அல்லது பெண்ணின் உடல் ஆரோக்கியத்தில் கவனம் தேவை. பிள்ளைகளால் எதிர்பாராத செலவுகள் ஏற்படும். சிலருக்குக் குடும்பம் தொடர்பான வேலையை முன்னிட்டு சற்று அலைச்சல் ஏற்படலாம். மூன்றாவது நபர்களின் தலையீடு காரணமாகக் குடும்பத்தில் சிறுசிறு குழப்பங்கள் ஏற்படும்.

சித்திரை: உணவு விஷயத்தில் கூடுதல் கவனம் செலுத்தவும்.
சுவாதி: தொடங்கும் காரியங்கள் வெற்றிகரமாக நிறைவேறும்.
விசாகம்: அனைத்து விஷயங்களிலும் பொறுமையைக் கடைப்பிடிப்பது நல்லது.

விருச்சிகம்:

மகிழ்ச்சியான நாள். ஆனால், தாயாரின் உடல் ஆரோக்கியத்தில் கூடுதல் கவனம் செலுத்தவும். சிலருக்கு வாழ்க்கைத்துணையுடன் மனஸ்தாபம் ஏற்பட வாய்ப்பு உள்ளதால் ஒருவரையொருவர் அனுசரித்துச் செல்வது நல்லது. புதிய முயற்சிகளைத் தவிர்த்துவிடவும். நண்பர்களுக்காக செலவு செய்யவேண்டி வரும். பிள்ளைகள் பணம் கேட்டு நச்சரிப்பார்கள்.

விசாகம்: வாகனத்தில் செல்லும்போது கவனமாக இருக்கவும்.
அனுஷம்: தெய்வப் பணிகளில் கலந்துகொள்ளும் வாய்ப்பு ஏற்படும்.
கேட்டை: வெளியூரில் இருந்து எதிர்பார்த்த செய்தி கிடைக்கும்.

தனுசு:

மனதில் உற்சாகம் பெருக்கெடுக்கும். நீண்டநாள்களாக எதிர்பார்த்த பணம் இன்று கிடைப்பதற்கு வாய்ப்பு உண்டு. ஆனாலும் செலவுகள் அதிகரிப்பதால் சிலருக்குக் கடன் வாங்கவேண்டிய சூழ்நிலையும் ஏற்படும். நண்பர்கள் பணஉதவி கேட்டு வருவார்கள். வாழ்க்கைத்துணையால் மகிழ்ச்சி உண்டாகும். சிலருக்கு இளைய சகோதரர்கள் மூலம் எதிர்பாராத ஆதாயம் கிடைக்க வாய்ப்பு உண்டு.

மூலம்: நண்பர்களால் காரிய அனுகூலம் உண்டாகும்.
பூராடம்: உறவினர்கள் வகையில் செலவுகள் ஏற்படக்கூடும்.
உத்திராடம்: வாழ்க்கைத்துணையால் மகிழ்ச்சி உண்டாகும்.

மகரம்:

முக்கிய முடிவுகள் எடுப்பதற்கு உகந்த நாள். சகோதரர்களால் ஆதாயம் உண்டாகும். எதிர்பார்த்த பணம் கைக்கு வரும். சிலருக்கு புதிய ஆடை, ஆபரணங்கள் வாங்கும் வாய்ப்பு ஏற்படும். எதிர்பாராத பணவரவுக்கு வாய்ப்பு உள்ளது. எதிரிகளால் ஏற்பட்ட இடையூறுகள் விலகும். பிள்ளைகளின் பிடிவாதப் போக்கு மாறும். பணியாளர்கள் நல்லபடி ஒத்துழைப்பார்கள்.

உத்திராடம்: எதிலும் பொறுமையுடன் இருப்பது நல்லது.
திருவோணம்: தந்தையுடன் அனுசரணையாக இருப்பது அவசியம்.
அவிட்டம்: புதிய முயற்சிகளில் ஈடுபடவேண்டாம்.

கும்பம்:

புதிய முயற்சிகளை பிற்பகலுக்கு மேல் தொடங்குவது சாதகமாக முடியும். பிள்ளைகள் கேட்டதை வாங்கித் தருவீர்கள். நண்பர்கள் தொடர்பு கொண்டு மகிழ்ச்சியான செய்தியைப் பகிர்ந்துகொள்வர். எதிரிகள் வகையில் எச்சரிக்கையாக இருக்கவும். சிலருக்கு வீண் அபவாதம் ஏற்படக்கூடும். மாலையில் சோர்வு நீங்கி உற்சாகம் பெறுவீர்கள்.

அவிட்டம்: உறவினர்கள் சந்திப்பும் அவர்களால் ஆதாயமும் கிடைக்கும்.
சதயம்: புதிய முயற்சிகளைத் தவிர்ப்பது நல்லது.
பூரட்டாதி: மற்றவர்களுடன் விவாதம் செய்வதைத் தவிர்க்கவும்.

மீனம்:

இன்று எதிலும் பொறுமையுடன் செயல்படவேண்டிய நாள். எதிர்பாராத செலவுகளால் சிலருக்குக் கடன் வாங்கவேண்டிய சூழ்நிலையும் ஏற்படும். வாழ்க்கைத்துணையின் தேவைகளைப் பூர்த்தி செய்யும் வகையில் அலைச்சல் உண்டாகும். சகோதரர்களால் அனுகூலம் ஏற்படும். எதிர்பார்த்த பணம் கிடைப்பது தாமதமாகும்.

பூரட்டாதி: குடும்பம் தொடர்பான முடிவு எடுப்பதைத் தவிர்க்கவும்.
உத்திரட்டாதி: தாய்வழி உறவினர்களால் வீண் செலவுகள் ஏற்படும்.
ரேவதி: கடன்களால் சில பிரச்னைகள் ஏற்பட்டு நீங்கும்.