நவம்பர் 14-ம் தேதிக்கான மேஷம் முதல் மீனம் வரையிலான 12 ராசிகளுக்கான பலன்களை 'ஜோதிடஶ்ரீ' முருகப்ரியன் கணித்து வழங்கியுள்ளார்.

மேஷம்:

புதிய முயற்சிகளைத் தவிர்க்கவும். தாயின் விருப்பங்களை நிறைவேற்றி மகிழ்வீர்கள். பிள்ளைகள் மூலம் வீண் பிரச்னைகளும் செலவுகளும் ஏற்படக்கூடும். வெளியில் இருந்து உணவு வரவழைத்து சாப்பிடுவதைத் தவிர்க்கவும். சிலருக்கு நண்பர்கள் மூலம் பண வரவுக்கு வாய்ப்பு உண்டு. சகோதரர்கள் ஆதரவாக இருப்பார்கள்.

அசுவினி: வாகனத்தில் செல்லும்போது கவனமாக இருக்கவும்.
பரணி: தாயின் தேவைகளை நிறைவேற்றும் வாய்ப்பு ஏற்படும்.
கிருத்திகை: தாய்வழி உறவினர்களால் ஆதாயம் உண்டாகும்.

ரிஷபம்:

புதிய முயற்சிகளைப் பிற்பகலுக்குமேல் தொடங்குவது சாதகமாக முடியும். தாய்வழி உறவினர்களால் குடும்பத்தில் சில சங்கடங்கள் ஏற்பட்டாலும் பாதிப்பு எதுவும் இருக்காது. வாகனத்தில் செல்லும்போது கவனமாக இருக்கவும். நண்பர்கள் மூலம் மகிழ்ச்சி தரும் செய்தி கிடைப்பதற்கான வாய்ப்பு உண்டு. தந்தையின் விருப்பத்தைப் பூர்த்தி செய்வீர்கள்.

கிருத்திகை: அதிகரிக்கும் செலவுகளால் கடன் வாங்க நேரிடும்.
ரோகிணி: எதிர்பாராத பணவரவுடன் வீண் செலவுகள் ஏற்படவும் வாய்ப்பு உண்டு.
மிருகசீரிடம்: வாழ்க்கைத்துணைவழியில் சில சங்கடங்கள் ஏற்படும்.

மிதுனம்:

மகிழ்ச்சியான நாள். மனதில் தைரியம் அதிகரிக்கும். எடுத்த காரியத்தைச் சிறப்பாகச் செய்து முடிப்பீர்கள். எதிரிகளால் ஏற்பட்ட தொல்லைகள் நீங்கும். தந்தைவழி உறவுகள் கேட்கும் உதவியை மகிழ்ச்சியுடன் செய்து தருவீர்கள். முக்கியப் பிரமுகர்களின் அறிமுகம் கிடைக்கும். வாழ்க்கைத்துணையுடன் ஏற்பட்டிருந்த பிணக்குகள் நீங்கும்.

மிருகசீரிடம்: வாழ்க்கைத்துணையால் பொருள் சேர்க்கை உண்டு.
திருவாதிரை: புதிய முயற்சிகள் அனுகூலமாகும்.
புனர்பூசம்: நண்பர்களால் காரிய அனுகூலம் உண்டாகும்.

கடகம்:

முயற்சிகள் சாதகமாக முடியும். பிள்ளைகள் வகையில் சில சங்கடங்கள் ஏற்பட்டாலும் அதனால் பாதிப்பு எதுவுமிருக்காது. சகோதரர்களால் செலவுகள் ஏற்படும். சிலருக்கு எதிர்பாராத பணவரவுக்கு வாய்ப்பு ஏற்படும். தெய்வப் பணிகளில் ஈடுபடும் வாய்ப்பும் சிலருக்கு ஏற்படும். நண்பர்களுக்காக செலவு செய்ய நேரிடும். மற்றவர்களுடன் பேசும்போது பொறுமை அவசியம்.

புனர்பூசம்: புதிய முயற்சி சாதகமாக முடியும்.
பூசம்: சகோதரர்களால் சில சங்கடங்கள் ஏற்படக்கூடும்.
ஆயில்யம்: எதிர்பார்த்த நல்ல செய்தி கிடைக்கக்கூடும்.

சிம்மம்:

மனதில் உற்சாகம் பெருக்கெடுக்கும். கணவன் - மனைவிக்கிடையே அந்நியோன்யம் அதிகரிக்கும். தாய்மாமன் வழியில் எதிர்பார்த்த காரியம் அனுகூலமாக முடியும். உங்கள் முயற்சிக்கு வாழ்க்கைத்துணையின் ஆதரவு கிடைப்பது மகிழ்ச்சி தரும். தாயின் உடல் ஆரோக்கியம் மேம்படும். வாழ்க்கைத்துணைவழி உறவினர்களால் ஆதாயம் உண்டாகும்.

மகம்: வீண் அலைச்சலைத் தவிர்ப்பது நல்லது.
பூரம்: பிள்ளைகளால் மகிழ்ச்சி உண்டாகும்.
உத்திரம்: செயல்களில் பதற்றம் தவிர்ப்பது நல்லது.

கன்னி:

பணவரவு திருப்தி தரும். தாயின் உடல்நலனில் கவனம் தேவை. வாழ்க்கைத்துணையால் எதிர்பாராத செலவுகள் ஏற்படும். மனதில் அடிக்கடி குழப்பங்கள் ஏற்பட்டு நீங்கும். சகோதர வகையில் சில சங்கடங்கள் ஏற்படக்கூடும். உறவினர்களுக்காக செலவு செய்ய நேரிடும். சிலருக்கு கடன் வாங்கவேண்டிய சூழ்நிலையும் ஏற்படும்.

உத்திரம்: அவசர முடிவுகளைத் தவிர்ப்பது நல்லது.
அஸ்தம்: எதிர்பார்த்த செய்தி கிடைப்பதில் தாமதம் ஏற்படும்.
சித்திரை: வாழ்க்கைத்துணையை அனுசரித்துச் செல்வது அவசியம்.

துலாம்:

பிற்பகலுக்குமேல் மனதில் உற்சாகம் ஏற்படும். காரியங்களில் அனுகூலம் உண்டாகும். தாய்வழியில் எதிர்பார்த்த காரியம் அனுகூலமாக முடிவதற்கு வாய்ப்பு ஏற்படும். அக்கம்பக்கத்தில் இருப்பவர்களுடன் அனுசரணையாக நடந்துகொள்ளவும். இளைய சகோதர வகையில் அனுகூலம் உண்டாகும். சிலருக்கு எதிர்பாராத பணவரவு மகிழ்ச்சி தரும்.

சித்திரை: வாழ்க்கைத்துணையால் மகிழ்ச்சி உண்டாகும்.
சுவாதி: புதிய முயற்சிகளில் ஈடுபடுவதைத் தவிர்க்கவும்.
விசாகம்: அரசாங்கக் காரியங்கள் அனுகூலமாக முடியும்.

விருச்சிகம்:

இன்று புதிய முயற்சிகளைத் தவிர்க்கவும். எதிர்பார்த்த பணம் கைக்கு வரும். சகோதரர்களுக்காக செலவு செய்ய நேரிடும். மற்றவர்களுடன் வீண் விவாதத்தில் ஈடுபட வேண்டாம். வாழ்க்கைத்துணையுடன் அனுசரித்துச் செல்வது நல்லது. உறவினர்களால் எதிர்பாராத ஆதாயம் கிடைக்கும். தந்தையிடம் எதிர்பார்த்த உதவி கிடைக்கும்.

விசாகம்: எதிரிகளால் ஏற்பட்ட தொல்லைகள் நீங்கும்.
அனுஷம்: சகோதர வகையில் செலவுகள் ஏற்படக்கூடும்.
கேட்டை: பிள்ளைகளால் பெருமை ஏற்படும்.

தனுசு:

காலையில் வழக்கமான பணிகளில் மட்டுமே ஈடுபடவும். பிற்பகலுக்கு மேல் மனதில் உற்சாகம் அதிகரிக்கும். விறுவிறுப்பாகவும் பரபரப்பாகவும் செயல்படுவீர்கள். தாய்வழி உறவினர்கள் மூலம் சுபநிகழ்ச்சிக்கான பேச்சுவார்த்தை சாதகமாக முடியும். கணவன் – மனைவிக்கிடையே இருந்த கருத்து வேறுபாடு நீங்கும். சிலருக்கு தெய்வப் பிரார்த்தனைகளை நிறைவேற்றும் வாய்ப்பு ஏற்படும்.

மூலம்: உடல் ஆரோக்கியம் மேம்படும்.
பூராடம்: பிள்ளைகளால் பெருமையும் மகிழ்ச்சியும் உண்டாகும்.
உத்திராடம்: எதிர்பாராத பணவரவுக்கு வாய்ப்பு ஏற்படும்.

மகரம்:

எதிர்பாராத பணவரவு இருந்தாலும் திடீர் செலவுகளும் ஏற்பட்டு திக்கு முக்காட வைக்கும். சகோதரர்களிடம் எதிர்பார்த்த காரியம் இழுபறியாகும். அவர்களுடன் மன வருத்தம் ஏற்பட வாய்ப்பு உள்ளதால் சற்று பொறுமையுடன் நடந்துகொள்வது நல்லது. வாழ்க்கைத்துணைவழியில் தேவையற்ற செலவுகள் ஏற்படக்கூடும். குடும்பத்தில் முக்கிய முடிவு எடுப்பதைத் தவிர்க்கவும்.

உத்திராடம்: நண்பர்களால் வீண் செலவுகள் ஏற்படும்.
திருவோணம்: உறவினர்களால் சில பிரச்னைகள் ஏற்பட்டு நீங்கும்.
அவிட்டம்: வாழ்க்கைத்துணையுடன் கருத்துவேறுபாடு ஏற்படும்.

கும்பம்:

உற்சாகமான நாள். காரியங்கள் அனுகூலமாகும். உங்கள் பொறுப்புகளை வாழ்க்கைத்துணை பகிர்ந்துகொள்வது ஆறுதலாக இருக்கும். கணவன் - மனைவிக்கிடையே அந்நியோன்யம் அதிகரிக்கும். தந்தையுடன் ஏற்பட்டிருந்த மனவருத்தங்கள் நீங்கி, அவருடன் சுமுகமான உறவு ஏற்படும். அவரிடம் எதிர்பார்த்த பண உதவி கிடைப்பதற்கும் வாய்ப்பு உண்டு.

அவிட்டம்: உங்கள் ஆலோசனைக்குக் குடும்பத்தில் முக்கியத்துவம் கிடைக்கும்.
சதயம்: முக்கியமான விஷயங்களில் முடிவு எடுப்பதற்கு உகந்த நாள்.
பூரட்டாதி: தந்தையிடம் எதிர்பார்த்த உதவி கிடைக்கும்.

மீனம்:

காரியங்களில் அனுகூலம் உண்டாகும். சிலருக்கு சகோதரர்களால் எதிர்பாராத பணவரவுக்கு வாய்ப்பு உண்டு. தந்தையின் விருப்பத்தைப் பூர்த்தி செய்வீர்கள். மூன்றாவது நபர்களின் தலையீடு காரணமாகக் குடும்பத்தில் ஏற்பட்ட குழப்பங்கள் நீங்கும். வாழ்க்கைத்துணையின் தேவைகளைப் பூர்த்தி செய்வீர்கள். எதிரிகளால் ஏற்பட்ட இடையூறுகள் நீங்கும். உடல் ஆரோக்கியம் மேம்படும்.

பூரட்டாதி: திடீர் செலவுகளால் கையிருப்பு கரையும்.
உத்திரட்டாதி: சகோதர வகையில் எதிர்பார்த்த காரியம் அனுகூலமாக முடியும்.
ரேவதி: எதிரிகளால் மறைமுக ஆதாயம் ஏற்படும்.